Qarşılaşma ev sahiblərinin 4:1 hesablı qələbəsi ilə başa çatıb.
Hesabı qonaqlar açıb. Ceyhun Rəcəbli 18-ci dəqiqədə müdafiəçinin səhvini bağışlamayıb. Buna qədər isə Kamran Əliyev “Şəki”nin erkən qolunu qeydə almayıb.
Cavid Hüseynovun komandası yalnız son yarımsaatda “işə düşüb”. Fasiləyədək iki epizodu qaçıran “Cəbrayıl” 66-cı dəqiqədə darmadağının əsasını qoyub.
Baxşəli Baxşəliyevin status-kvonu təmin etdiyi anda Yusif Mamqayevin səhvi diqqət çəkib. Şəkililərin qapıçısı üstünə gələn və o qədər də güclü olmayan topu əllərinin arasından tora buraxıb.
İlk hissədə qurtarışları ilə yadda qalmış Yusifin inanılmaz xətası özünü və komanda yoldaşlarını ruhdan salıb.
Hesabda yenidən önə keçmək istəyi tükənən “Şəki” bir-birinin ardınca qollarını sıralayıb. Elvin Nəsibov, Tapqıd Əhmədov və Mehman Süleymanlı müqavimətə rastlaşmadan hesaba qatqı verib.
Xallarını 24-ə yüksəldən "Cəbrayıl" turnir cədvəlinin 2-ci pilləsində qərarlaşıb. 19 xalı olan "Şəki Siti" 7-ci yerdədir.
SPORTİNFO.AZ
14 noyabr 2023. Saat 13:00. Neftçi Futbol Mərkəzi (IV meydança). 40 tamaşaçı Baş hakim: Kamran Əliyev Baş hakimin köməkçiləri: Teymur Teymurov, Asiman Əzizli Dördüncü hakim: Vüqar Həsənli Hakim-inspektor: Vüsal Əliyev AFFA nümayəndəsi: Elçin Mehtiyev Sarı vərəqələr: Elvin Dəmirov, 32 (qeyri-idman hərəkəti); Mübariz Hüseynzadə, 84 (qeyri-idman hərəkəti) // Yusif Dilanov, 23 (qeyri-idman hərəkəti); Ceyhun Rəcəbli, 32 (qeyri-idman hərəkəti); Elşən Mustafayev, 42 (qeyri-idman hərəkəti); Elçin Ramazanov, 52 (qeyri-idman hərəkəti) Qollar: Baxşəli Baxşəliyev, 66; Elvin Nəsibov, 75; Tapdıq Əhmədov, 77; Mehman Süleymanlı, 88 // Ceyhun Rəcəbli, 18 Artırılan vaxt: I hissədə - 1 dəq.; II hissədə - 2 dəq.
