Azərbaycanda topu 1 metrdən boş qapıya vura bilməyən futbolçu -
Azərbaycan II Liqasında X tura yekun vurulub.
"Lerik" öz meydanında "Göygöl"ü qəbul edib. Qarşılaşma qonaqların minimalhesablı qələbəsi ilə başa çatıb.
Kamal Həsənpur 7-ci dəqiqədə qapıçıdan dönən topu tora qovuşdurub. Erkən qoldan ruhlanan göyçaylılar fərqi artırmağa çalışıb.
Təhlükəli epizodlar yaratmağa davam edən qərblilərə Ayaz Məmmədlinin sayıqlığı mane olub. Cənubluların qapıçısı öz üzərinə düşəni etsə də, hücumçular bunu bacarmayıb.
«Lerik»dən Valid Yusubzadə son dəqiqələrdə 1 metr məsafədən hədəfi düşməyi bacarmayıb.
Xallarını 19-a yüksəldən "Göygöl" turnir cədvəlinin 6-cı pilləsində qərarlaşıb. 11 xalı olan "Lerik" isə 10-cu yerdədir.
SPORTİNFO.AZ
Lənkəran OİK stadionu. 80 tamaşaçı Baş hakim: Rəşad Əhmədov Baş hakimin köməkçiləri: Kamran Bayramov, Asif Abdullayev Dördüncü hakim: Vüqar Həsənli Hakim-inspektor: Ceyhun Haşımov AFFA nümayəndəsi: Erkin Hüseynov Sarı vərəqələr: Kamran Abdullazadə, 22 (qeyri-idman hərəkəti); Namiq Salayev, 43 (qeyri-idman hərəkəti); Feyruz Bağıyev, 69 (qeyri-idman hərəkəti); Valid Yusubzadə, 89 (qeyri-idman hərəkəti) // Emil Mürsəlov, 67 (qeyri-idman hərəkəti); Maşallah Məmmədov, 71 (hakimin qərarına etiraz); Vüsal Mehdiyev, 90+1 (qeyri-idman hərəkəti) Qol: Kamal Həsən-pur, 7 Artırılan vaxt: I hissədə - 1 dəq; II hissədə - 8 dəq.
