Azərbaycan II Liqasında VII turun oyunları keçirilib.
"Göygöl" adını daşıdığı doğma rayonda "Ağdaş"ı qəbul edib.
Qarşılaşma ev sahiblərinin 5:1 hesablı qələbəsi ilə başa çatıb.
Ev sahiblərinin hücumçusu Vüqar Əşrəfli yenə burada öz adından söz etdirib. O, pokerə imza ataraq, çempionatın bombardirləri siyahısında zirvəyə yüksəlib.
Vüqarın aktivində artıq 10 qolun olmasını qeyd edək. Fikrimizcə, Premyer Liqa və I Liqada çalışan məşqçiləri onu maraq dairəsinə daxil eləsə, uduzmazlar.
1997-ci il təvəllüdlü forvard əls qoleadorluq bacarığına malikdir və daha üst liqalarda özünü göstərmək gücündədir.
"Göygöl"ün digər futbolçusu Coşqun Abdiyevi də nəzarətdə saxlamağa dəyər. O, 31-ci dəqiqədə akrobatik vuruşla fantastik qolun müəllifi olub. Bu qolu dönə-dönə izləmək olar, həqiqətən xoş gəlir.
Xallarını 16-ya yüksəldən "Göygöl" turnir cədvəlinin 2-ci pilləsində qərarlaşıb. 6 xalı olan "Ağdaş" isə 11-ci yerdədir.
SPORTİNFO.AZ
Göygöl OİK stadionu. 350 tamaşaçı Baş hakim: Tural Qurbanov Baş hakimin köməkçiləri: Şirmamed Mamedov, Orxan İbişov Dördüncü hakim: Kamil Aydınov Hakim-inspektor: Rövşən Əhmədov AFFA nümayəndəsi: Əsgər Əmirəliyev Sarı vərəqələr: Emil Mürsəlov, 33 (qeyri-idman hərəkəti); Ziyabil Məmmədov, 74 (qeyri-idman hərəkəti) // Eşqin Vəliyev, 63 (qeyri-idman hərəkəti); Şəhriyar Kərimli, 75 (qeyri-idman hərəkəti); Vasif Nəsirov, 90+1 (qeyri-idman hərəkəti) Qollar: Vüqar Əşrəfli, 17, 22, 41, 78; Coşqun Abdiyev, 31 // Tamerlan Rizvanov, 58 Artırılan vaxt: I hissədə - yoxdur; II hissədə - 2 dəq.
.jpg)
.jpg)
