Azərbaycan II Liqasında ikinci turun matçlarına start verilib.
"Şahdağ-Qusar" Şamaxıda "Kürmük Qax"la qarşılaşıb.
Matç qusarlıların 3:1 hesablı qələbəsi ilə başa çatıb. Ağdaş səfərində iki qol vuran Tural Qürbətov yenə dubla imza atıb.
«Bakı»nın yetirməsi olan hücumçu 15 və 30-cu dəqiqələrdə adını tabloya yazdırıb. İlk turda «Göygöl»ün qapısına iki dəfə yol tapmış Elcan Hafizli bu turda da fərqlənməyi bacarıb.
Qax komandasının forvardı 74-cü dəqiqədə əla təşkil olunmuş hücumu gözəl zərbəylə tora qovuşdurub.
Ancaq 3 dəqiqə sonra qusarlılar Fuad Hüseynovla fərqi yenidən 2 topa çatdırıb.
SPORTİNFO.AZ
