2005-ci ilin yayında tarixin yaddaşına köçmüş və yalnız yaxınlarda fəaliyyətini bərpa eləmiş «Şəfa» II Liqada ilk matçına çıxıb.
Tural Rzayevin çalışdırdığı komanda özü kimi debütant "Baku Sportinq"in qonağı olub.
Binə qəsəbə stadionunda təşkil olunan qarşılaşma ev sahiblərinin 4:2 hesablı qələbəsiylə başa çatıb.
Elman Sultanovun drujinasından Ülvi Quliyev het-trikə imza atıb (39, 45, 64-pen). Daha bir qolu isə Röyal Nəcəfov vurub. «Şəfa»nın heyətində isə Asim Quliyevlə İbrahim Yusifov adını tabloya yazdırıb.
"Baku Sportinq"də Elşad Manafov, Bəxtiyar Soltanov, Hüseyn Əliyev, Comərd Baxşəliyev, Qərib İbrahimov, Məhəmməd Xəlilov kimi vaxtilə Premyer Liqa görmüş futbolçuların çıxış etməsini bildirək.
SPORTİNFO.AZ
