I Liqada turnir cədvəlinə başçılıq edən «Şəfa» heyətini gücləndirməkdədir.
Premyer Liqaya birbaşa vəsiqə qazanmağa ən şanslı namizəd olaraq göstərilən paytaxt təmsilçisi «İmişli»dən ayrılan İbrahim Əliyevi sıralarına qatmaqla kifayətlənməyib.
Cari mövsüm çempionatda 7 qol vurmuş Ruslan Voronsov da Elgiz Kərəmlinin çalışdırdığı kollektivə qoşulub.
«Şəfa» yarışın ilk yarısında «Şahdağ»ın formasını geyinmiş hücumçu ilə 6 ay+1 illik müqavilə imzalayıb.
Baş məşqçi yeni gələnlərin əvəzində iki nəfərin xidmətindən imtina edib. Bunlar hücumçu Amit Quluzadə ilə yarımmüdafiəçi Ruslan Hacıyevdir.
SPORTİNFO.AZ
