.jpg)
Ötən gün Azərbaycan Premyer Liqasının 27-ci turunda “Zirə” doğma meydanda “Sabah”ı qəbul edib.
Sportinfo.az xəbər verir ki, qarşılaşmanın 7-ci dəqiqəsində baş hakim Fərid Hacıyevin verdiyi qərar etirazlara səbəb olub.
Belə ki, “Sabah”ın futbolçusu Amin Seydiyev rəqib oyunçu Andriya Lukoviçə qarşı kobud oynayıb.
Referi isə bu epizodda yalnız sarı vərəqə verib. Amma meydan sahibləri Aminin meydandan qovulmalı olduğunu bildirərək, hakimə etiraz ediblər.
Fərid Hacıyev kobud oyuna görə Amin Seydiyevə sarı vərəqə göstərir. Qarşılaşmanın 45+2-ci dəqiqəsində “Sabah”ın müdafiəçisi yenə kobud oynayır.
O, bu dəfə Hamidu Keytanın ayağına arxadan zərbə endirir. Lakin baş hakim bu dəfə də Amini meydandan qovmur. Bu epizod da etirazlara səbəb olub.
.jpg)
