"Qəbələ"yə qarşı Azərbaycan Premyer Liqasının XXV tur oyununda zədələnən "Zirə"nin qapıçısı Mehdi Cənnətovun durumuna aydınlıq gəlib.
Sportinfo.az xəbər verir ki, 30 yaşlı qolkiper 2-3 həftəlik sıradan çıxıb.
Cənnətov rəqibin 45-ci dəqiqədə vurduğu ikinci qol zamanı sıradan çıxıb. Azərbaycan millisinin üzvü matça davam edə bilmədiyi üçün ikinci hissədə Anar Nəzirovla əvəzlənib.
Qarşılaşma "Qəbələ"nin 3:0 hesablı qələbəsi ilə bitib.