"Neftçi"nin yarımmüdafiəçisi Sessi Almeyda Benin yığmasının heyətində Afrika Millətlər Kubokunda növbəti görüşünü keçirib.
Sportinfo.az xəbər verir ki, Benin millisi II turda Mavritaniya ilə üz-üzə gəlib.
Qarşılaşma Sessinin komandasının 2:1 hesablı qalibiyyəti ilə başa çatıb.
"Neftçi"nin legioneri bu matçda meydana start heyətində çıxıb və sona qədər oynayıb. Millinin kapitan sarğısı da ona həvalə edilib.
Benin 2 turdan sonra 4 xalla qrupda liderdir. F qrupunda Benin, Burkina Faso, Mavritaniya və Orta Afrika Cümhuriyyəti mübarizə aparır.
