Dünən «Zirə» ilə anlaşan Hamidu Keytanın bağlayacağı müqavilənin müddəti məlum olub.
Hücumameylli yarımmüdafiəçi qarşıdakı 1,5 ildə «qartallar»ın uğurları üçün tər tökəcək.
Cari mövsümün geridə qalan hissəsini Portuqaliyada – «Santa Klara»da keçirən 27 yaşlı fransalı bu gün Azərbaycana gələcək və rəsmi kontrakta imza atacaq.
«Oser»in yetirməsi 2014-cü ildə peşəkar futbol karyerasına başlayıb. Adıçəkilən klubun B komandasına yüksələn Keyta daha sonra «Havr»a üz tutub.
2015-ci ildən buradan ayrılıb və «Trellisar»a keçib. Növbəti 2 mövsümdə isə «Sent Etyen»in uğurları üçün tər töküb.
2017-2018-ci illərdə «Şambli»nin yolunu tutub. Ardınca Rumıniyadan dəvət alıb və «Kalaraşi» ilə müqavilə bağlayıb.
2019-2021-ci il aralığında «Botaşani»yə xidmət edib. Ötən ilin yayınla da buranı «Sana Klara»ya dəyişib.
SPORTİNFO.AZ