.jpg)
"Fikrimcə, qələbəyə layiq idik".
Bunu Sportinfo.az-a açıqlamasında "Sumqayıt" üzərində qələbədən danışan "Zirə"nin müdafiəçisi Nemanya Andelkoviç deyib.
Serbiyalı legioner 3-0 hesabına rəğmən qələbənin asan əldə olunmadığını bildirib: "Əvvəldən necə oynayacağımızı bilirdik. Sistemimiz var və buna uyğun çıxış edirik. Təbii ki, bizim üçün asan qələbə olmadı. Sadəcə şanslarımızdan istifadə edib, hesabı vaxtında açdıq".
"Zirə" hazırda 22 xalla ikinci pillədə qərarlaşır. 24 yaşlı müdafiəçi mövsümün qalan bölümündə də ən azı indiki yerdə olacaqlarına ümid edir: "Bəli, hazırda ikinci yerdəyik və ümid edirəm ki, mövsümün qalan bölümündə də ən azı ikinci yerdə qalacağıq. Gözəl futbol oynayırıq, yaxşı komandamız var. Hamı maksimum diqqət mərkəzindədir və öz hədəfimiz var".
.jpg)
