.jpg)
İlkin Muradov “Zirə”nin heyətində ən çox oyun keçirən futbolçu adına yiyələnib.
Sportinfo.az xəbər verir ki, o, Premyer Liqanın 10-cu turunun “Sabah”la səfər matçında (3:3) meydana çıxaraq mütləq rekorda imza atıb.
“Bank Respublika Arena”dakı görüş yarımmüdafiəçinin “qartallar”ın heyətində 104-cü matçı olub. O, 103 oyuna çıxan Adil Nağıyevin rekordunu arxada qoyub.
“Sabah”la qarşılaşma İlkin üçün yubileylə də əlamətdar olub. O, bu komandanın heyətində 90-cı çempionat görüşündə iştirak edib.
Digər 14 matç Azərbaycan kubokuna təsadüf edib. Muradov vurduğu 4 qolun hamısına çempionatda imza atıb.
Muradovun debütü 2017/18 mövsümündə gerçəkləşib. O, 2017-ci il aprelin 29-da Premyer Liqanın AZAL-la səfər matçında (3:0) meydana çıxıb.
.jpg)