“Zirə”nin futbolçusu Sərtan Taşkın Azərbaycan millisində debüt edib.
Sportinfo.az xəbər verir ki, o, yığmamızın Qətərlə Macarıstanın Debretsen şəhərində keçirilən yoldaşlıq görüşündə meydana çıxıb.
Müdafiəçi komandamızın 1:2 hesabı ilə uduzduğu qarşılaşmanı əvəzolunmadan keçirib.
Sərtan “Zirə”nin Azərbaycan yığmasındakı 8-ci təmsilçisi olub. Ona qədər komandamızın 7 üzvü millidə ümumilikdə 19 matç keçirmişdi.
Daha əvvəl Elvin Camalov 6, Cavid Hüseynov 5, Elvin Məmmədov 3, Təmkin Xəlilzadə 2, Adil Nağıyev, Anar Nəzirov və Vüqar Mustafayev hərəyə 1 dəfə “Zirə”nin futbolçusu kimi millinin formasını geyinib.