«Son vaxtlar ciddi «zədə sindromu» ilə qarşılaşırıq».
Bu sözləri Sportinfo.az-a açıqlamasında «Zirə»nin baş məşqçisi Rəşad Sadıqov deyib.
Qəsəbə təmsilçisinin çalışdırıcısı düşərgədə zədəli futbolçuların sayının artmasından narahatlığını ifadə edib:
"Artıq neçə turdur, baxırsan ki, hansısa aparıcı futbolçunu itiririk. Hal-haazırda həmin siyahı bir qədər də genişlənib.
Kimisi uzun fasilədən sonra indi-indi fərdi məşqlərə başlayır, kimisi hələ də müalicə alır. Millilərimizdə 4 futbolçu var.
Odur ki, çempionatda yaranmış fasilədə tam istədiyimiz kimi hazırlıq keçə bilmirik. Yenə də ümid edək ki, zədəlilərimiz tezliklə sağalacaq, millilərdəki futbolçularımız da düşərgəyə saağlam qayıdacaq".