Türkiyə 1-ci liqasında 10-cu turun oyunları davam edir.
Sportinfo.az xəbər verir ki, azərbaycanlı futbolçu Vüsal İsgəndərlinin də çıxış etdiyi “Keçiörengücü” evdə "İstanbulspor"la qarşılaşıb və 3:2 hesabı ilə qalib gəlib.
Matça ehtiyatdan başlayan Vüsal 61-ci dəqiqədə, hesab 1:1 olarkən meydana daxil olub. Məhz onun 90+7-ci dəqiqədə vurduğu qolla komandası 3:2 hesabı ilə qalib gəlib.
“Keçiörengücü” turnir cədvəlində 7 xalla 18-ci pillədə qərarlaşıb.