“Qalatasaray”ın vitse-prezidenti Erden Timur vəzifəsindən istefa verib.
Sportinfo.az\ xəbər verir ki, bunu jurnalistlərə açıqlamasında klub rəsmisi özü deyib.
O, mətbuat konfransında İstanbul təmsilçisindən ayrıldığını bildirib:
“Özümdən asılı olmayan səbəblərdən 1 ay, bəlkə də 1 aydan çox gündəmi məşğul etdiyim üçün ictimaiyyətdən üzr istəyirəm.
Mən məsələni çempionata 1-1,5 ay qalmış prezidentimizə çatdırdım. Çempionluq yarışı olduğundan bunu həmin vaxt açıqlamaq mümkün deyildi.
Klubdakı vəzifəmin davam etdiyini söyləməliydim. Bunu çempionatdan sonra 2 gün ərzində açıqlaya bilərdim, amma insanların sevincinin önünə keçmək istəmədim”, - deyə o bildirib.
44 yaşlı funksioner 2022-ci ilin iyun ayından “Qalatasaray”da çalışırdı.
