Yaxınlarda «Şamaxı» ilə birillik müqavilə imzalayan Ayxan Abbasov bir gün yenə «Turan Tovuz»u çalışdıracaq.
Bu barədə anonsu klubun İdarə Heyətinin sədri Ehtiram Quliyev edib.
Tanınmış iş adamı yerli azarkeşlərlə son görüşündə keçmiş baş məşqçinin ünvanına təriflər yağdırıb.
Ötən ilin martında qərb təmsilçisini himayəsinə götürən tikinti maqnatı Abbasovun fəaliyyətini növbəti dəfə təqdir edib, nəvaxtsa yollarının yenidən birləşəcəyini söyləyib:
«Bəlkə də siz onu yaxşı tanımırsız. Heç kim Ayxan Abbasov barədə mənfi söz söyləyə bilməz.
Onunla mən işləmişəm və xasiyyətinə bələdəm.
Niyə buradan ayrıldı? Bunu mən bilərəm, o, bilər. Mənim Ayxan müəllimlə münasibətlərim bu gün də yaxşıdır.
İnanıram ki, bir gün onu ikinci dəfə «Turan»a qaytaracağıq».
SPORTİNFO.AZ
