"Sumqayıt" hücum xəttini yeni oyunçu ilə gücləndirib.
Sportinfo.az xəbər verir ki, Premyer Liqa təmsilçisi "Bney Saxnin"dən (İsrail) ayrılan Aleksandr Ramalinqomu rənglərinə bağlayıb.
Bu barədə klubun mətbuat xidməti məlumat yayıb.
Madaqaskarlı forvardla imzalanan müqavilənin detalları barədə məlumat verilməyib.
Aleksandr Ramalinqom 2023/2024 mövsümündə "Səbail"in formasını geyinib. 32 yaşlı hücumçu Azərbaycan Premyer Liqasında 15 qol vurub.
