Yeni mövsümə hazırlaşan "Sumqayıt" daha bir transferlə yadda qalıb.
"Kimyaçılar" Rauf Rüstəmlini heyətinə qatıb.
"Sabah"a məxsus yarımmüdafiəçi qarşıdakı bir ili Sumqayıt təmsilçisində icarədə keçirəcək.
"Qəbələ"nin yetirməsi ötən mövsümü "Şamaxı"da icarədə keçirmişdi.
21 yaşlı futbolçu "şirlər"in heyətində 33 oyunda forma geyinib.
Onun göstərdiyi yaxşı performansa görə Azərbaycan millisinin sonuncu toplanışına dəvət olunduğunu da bildirək.
XANOĞLAN / SPORTİNFO.AZ
