Saşa İliçin "Sumqayıt"ın yeni baş məşqçisi təyin edilməsi Türkiyə mediasından da əks-səda doğurub.
Bir vaxtlar İstanbul nəhəngi “Qalatasaray”da çıxış edən, qazanılan çempionluqda böyük pay sahibi olan serbiyalı sabiq yarımmüdafiəçinin Azərbaycana gəlişi qardaş ölkənin ən çox oxunan idman portallarından “ajansspor.com”un diqqətini çəkib.
Məşhur sayt bu xəbəri “Sportinfo TV”yə istinadən tirajlayıb.
“Saşa İliçin yeni adresi Azərbaycan” başlığı ilə dərc olunan məlumatda ”Sportinfo TV”nin aparıcı eksperti Elçin Cəfərovun fikirləri də yer alıb. H
əmçinin serbiyalının Azərbaycan futbolundakı perspektivindən danışılıb.
