"Sumqayıtda hər şey mənim üçün yaxşıdır. İnsanlar mehribandır. Buradakı halımdan məmnunam".
Bu fikirləri Sportinfo.az-a açıqlamasında "Sumqayıt"ın hücumçusu Bobir Abdixolikov deyib.
Özbəkistan millisinin üzvü mövsümün ikinci yarısı "kimyaçılar"a qoşulsa da özünü yaxşı tərəfdən göstərə bilir.
O, meydana çıxdığı 9 matçda 4 qol, 2 məhsuldar ötürmə ilə yadda qalıb.
Yayda müqaviləsi bitən 28 yaşlı forvard yeni müqavilə təklifinə hələ də müsbət cavab verməyib.
Bobir bu barədə danışmağın tez olduğunu dilə gətirib:
"Qarşıda 4 oyun var. Bütün diqqətimi həmin görüşlərə yönəltmişəm. Mövsüm başa çatandan sonra bu barədə düşünəcəyik".
XANOĞLAN
