«Sumqayıt» həkimlərdən üzücü xəbər alıb.
Məşqlərin birində zədələnən və «Fehervar»la matçda forma geyinə bilməyən İsa Suliman uzun müddət yaşıl sahələrə dönə bilməyəcək.
Pakistan yığmasının da üzvü olan müdafiəçinin çarpaz bağları qopub. Vaxtilə «Aston Villa»da futbolun sirlərini öyrənmiş arxa xətt oyunçusu tezliklə əməliyyat ediləcək.
O, məşqlərə ən yaxşı halda 6 aydan sonra başlayacaq. Həkimlər bu problemin daha 2 ay uzana biləcəyinə dair «kimyaçılar»ı məlumatlandırıb.
SPORTİNFO.AZ
