Hədə-qorxu işə yaradı, pullar paylandı, borclar bağlandı

18 Oktyabr 2023 16:40 Şamaxı 679
Hədə-qorxu işə yaradı, pullar paylandı, borclar bağlandı

Birinci Liqada mübarizə aparan “Şamaxı” borc problemini yoluna qoyub.

Bölgə təmsilçisi ötən mövsüm komandanın şərəfini qorumuş 8 futbolçu və 4 məşqçiyə borclu qalmışdı.

Kollektivin sabiq üzvləri haqq etdikləri pulu ala bilməmələrindən şikayətçi idi və buna görə AFFA-ya baş çəkmişdilər. Assosiasiyanın hüquq şöbəsindən məsələyə 45 gün ərzində yekun vurulacağı bildirilmişdi.

Şikayətçilərdən birindən redaksiyamıza daxil olan məlumata görə, klub rəhbərliyi əməkhaqqıları hesaba köçürərək problemi yoluna qoyub.

Bildirək ki, futbolçular aylardır1 mayın, məşqçilər isə may və iyunun məvacibini gözləyirdi.

“Şamaxı” borcları verməsəydi, AFFA-nın ciddi sanksiyası ilə üzləşəcəkdi.

HƏBİB / SPORTİNFO.AZ

Digər Xəbərlər
Xəbər Lenti