Azərbaycan millisinin hücumçusu Ramil Şeydayevin yeni komandası “Soçi” ciddi sanksiya ilə üzləşib.
Sportinfo.az xəbər verir ki, FIFA Rusiya klubuna transfer qadağası qoyub.
Buna səbəb aşağı liqa təmsilçisinin ötən il sentyabrın 1-də İsrail klubu “Makkabi”dən (Təl-Əviv) alınan müdafiəçi Nemanya Stoiçin transferi üçün ödənişin gecikdirilməsidir. Futbolçunun klubla müqaviləsi 2028-ci ilin yayına qədərdir.
FIFA bu üzdən “Soçi”yə üç “transfer pəncərəsi” ərzində yeni futbolçuların qeydiyyatına icazə verməyəcək.
“Soçi” I Liqada 10 turdan sonra 19 xalla turnir cədvəlinin 3-cü pilləsində qərarlaşır.
.jpg)
