“Sabah”ın Çempionlar Liqasındakı rəqibi olan “Barselona”nın baş məşqçisi Hans-Diter Flik komandasının İspaniya çempionatında motivasiyasını qoruduğunu bildirib.
Sportinfo.az xəbər verir ki, almaniyalı mütəxəssis, mətbuat konfransında La Liqada ardıcıl üçüncü dəfə çempion olmaq istədiklərini deyib:
“Hamı Çempionlar Liqasını qazanmaq istəyir, bu, bizim arzumuzdur. Amma La Liqada ardıcıl üçüncü dəfə çempion olmaq da vacibdir.
Bu, möhtəşəm olardı. Qarşıda hələ çox oyun var. Addım-addım irəliləyirik”.
“Barselona” Çempionlar Liqasının yeni mövsümünün ilk turunda doğma meydanda “Feyenoord”u 5:1 hesabı ilə darmadağın edib.
Kataloniya təmsilçisi La Liqada 12 xalla turnir cədvəlinə başçılıq edir. Flikin komandası növbəti turda, sabah səfərdə “Levante” ilə qarşılaşacaq.
.jpg)
