"Səbail"in kapitanı Eltun Yaqublunun "Zirə"nin hücumçusu Ağabala Ramazanovla birgə bulvar ərazisində etdikləri məşqin sosial şəbəkələrdə yayılmış videosu haqda məlumat vermişdik.
Sportinfo.az-a açıqlama verən "Səbail"in mətbuat xidmətinin rəhbəri Törə Əhmədova hadisədən məlumatlı olduqlarını və Eltuna xəbərdarlıq etdiklərini bildirib:
"Bəli, əlbəttə ki, bu barədə klubun məlumatı var. Məsələ ilə bağlı Eltunla söhbət aparılıb və rəhbərlik tərəfindən ona xəbərdarlıq edilib.
Eltun bildirib ki, karantin qaydalarının yumşaldılmasına görə elə zənn edib ki, məşq etməsi problem olmaz. Lakin həmin ərazi bulvarın ərazisi deyil, məhəllədir".
