"Sabah" basketbol klubu Nik Perkinsi transfer edib.
Sportinfo.az xəbər verir ki, bu barədə paytaxt təmsilçisinin mətbuat xidmətindən məlumat verilib.
ABŞ-dan olan oyunçu ilə 2 illik müqavilə imzalanıb.
203 sm boya malik Perkins karyerası ərzində Yaponiya, İtaliya, Cənubi Koreya, Puerto Riko və Tayvan çempionatlarında forma geyinib.
Nik Perkins fiziki gücü, səbətaltı mübarizəsi və hücum potensialı ilə seçilir.
