İki illik genişmiqyaslı təmirdən çıxan Xankəndi şəhər stadionu ikinci klubun istifadəsinə verilib.
«Xankəndi» ilə yanaşı, MOİK buradan istifadə edəcək.
«Hərbçilər»in Gənclər və İdman Nazirliyi (GİN) ilə apardığı danışıqlar bu mənada uğurla yekunlaşıb.
GİN balansında olan arenanı Müdafiə Nazirliyinin klubunun icarə təklifini qəbul edib. Müddət 1 ildir.
«Xankəndi» II Liqanın çempionu olaraq I Liqaya birbaşa vəsiqə qazanıb. MOİK isə çempionatın daimi iştirakçısıdır.
Hər iki komanda hələlik oyundan-oyuna Qarabağ bölgəsinə yollanacaq,
Gündəlik məşqləri Bakıda keçəcək, yalnız ev matçından 1 gün qabaq işğaldan azad edilmiş regiona üz tutacaqlar.
SPORTİNFO.AZ
