"Səbail"in qapıçısı Aleksandr Rıbka komandadan ayrılacağı ilə bağlı yayılan xəbərlərə aydınlıq gətirib.
Sportinfo.az-a danışan ukraynalı qolkiper bu barədə düşünmədiyini bildirib. Hazırda ölkəsində istirahət etdiyini söyləyən təcrübəli qapıçı "dənizçilər"lə cari mövsümün sonuna qədər müqaviləsi olduğunu xatırladıb:
"Hazırda Kiyevdəyəm, dincəlirəm. Hər şey qaydasındadır. "Səbail"dən ayrılmamışam. Klubla müqaviləm var. Qovmasalar, yaya kimi qalacam".
Rıbka bu ilin yanvarından "Səbail"də çıxış edir.