"Səbail"in müdafiəçisi Şəhriyar Rəhimov yenidən zədələnib.
Bu barədə Sportinfo.az-a futbolçunun özü məlumat verib. Gürcüstan toplanışının sonuna yaxın zədə alan cinah müdafəçisi bir müddət əvvəl məşqlərə start vermişdi. Amma 30 yaşlı futbolçunun qayıdışı uzun çəkməyib.
2-3 məşqdən sonra ayağında yenidən ağrılar hiss edən millimizin sabiq üzvünə həkimlər məşqləri dayandırmağı məsləhət bilib.
Rəhimovu durumuna müayinələrdən sonra aydınlıq gələcək. O, zədə səbəbindən Premyer Liqanın arxada qalan hər iki turunu da buraxıb. Qarşıdakı bir neçə turu da meydana çıxması real görsənmir.