“Səbail” yeni mövsümə maksimum 3 legionerlə başlayacaq.
Sportinfo.az-ın məlumatına görə, bu, klub rəhbərliyinin son qərarıdır. Səbəb də aydındır – maliyyə çatışmazlığı.
“Dənizçilər”in builki büdcəsi ötən illərə baxanda yenə azaldılıb. Komandada maaş həddi 2500 manat olaraq müəyyənləşdirilib.
Öncə baş məşqçi Aftandil Hacıyevə 6 əcnəbi futbolçu götürmək icazəsi verilmişdi. Danışıqlar aparılan legionerlərin heç biri göstərilən məbləğə razı olmadığından, planlar dəyişib.
Yəni, 2 nəfərə ödəniləcək məbləğ birləşdirilib və hər birinə 4000 dollar verməklə 3 xarici oyunçunun Azərbaycana dəvət edilməsi nəzərdə tutulub.