"Millidən dəvət gözləyirdim".
Bu sözləri Sportinfo.az-a açıqlamasında "Səbail"in hücumçusu Amil Yunanov deyib.
Canni De Byazinin millinin son toplanışına çağırmadığı hücumçu buna üzüldüyünü gizlətməyib:
"Özümü yaxşı hiss edirəm. Amma yenə də bundan sonrasına baxmaq lazımdır. İnşallah, daha çox çalışıb, növbəti toplanışlara dəvət alaram".
25 yaşlı qolçu Belarus üzərində 2:1 hesablı əzmkar qələbənin millimiz üçün vacib olduğunu xüsusi qeyd edib:
"Millimizin qələbəsini gözləyirdim. Sevindirici haldır ki, qələbə qazandıq və bu, vacib idi. Moldova ilə qarşıdakı oyunda da komandaya uğurlar arzu edirəm".