“Səbail” müqaviləsi başa çatan legionerlərdən biri haqda qərarını verib.
Sportinfo.az-ın məlumatına görə, “dənizçilər” Milovan Petroviklə yolları ayırıb.
Bu ilin yanvarından ölkəmizdə çıxış edən yarımmüdafiəçinin sərgüzəşti beləcə qısa çəkib.
Ötən il “Vardar”da çıxış edən orta sahə oyunçusu 2015-2016-cı illərdə Şimali Makedoniya yığmasının formasını geyinib.
9 dəfə milliyə dəvət alan 31 yaşlı Milovan qış fasiləsində ölkəsində "Akademiya Pandev" klubundan təklif almasına baxmayaraq, Azərbaycana yollanmağı üstün tutmuşdu.
