"Keşlə" ilə oyuna yaxşı hazırlaşırıq. Məşqlərimiz yaxşı keçir".
Bu sözləri Sportinfo.az-a açıqlamasında "Keşlə" ilə oyun haqqından danışan "Səbail"in müdafiəçisi Ali Sisey deyib.
Sierra Leoneli futbolçu komandasının 7 oyundu qələbəyə həsrət qalmasını belə izah edib: "Bu futboldur. Bəzən nəticələr planlaşdırdığımız kimi getmir. Amma məqsədimiz qələbə qazanmaqdır".
27 yaşlı futbolçu "rəqibin sonuncu pillədə olması bu görüşdə sizin qələbə şansınızı artırırmı?" sualına cavabı isə belə olub: "Xeyr. Rəqibin cədvəldə hansı mövqedə olmasından asılı olmayaraq hər oyuna eyni münasibət göstəririk. Bütün rəqiblərimizə hörmətlə yanaşırıq və digər oyunlar kimi bu oyunda da məqsədimiz üç xaldır".