"Burada qalıb-qalmayacağımla bağlı hələ qərar verməmişəm".
Bu sözləri Sportinfo.az-a açıqlamasında "Səbail"in qapıçısı Nikolas Hagen deyib.
Cari mövsümdən "dənizçilər"in şərəfini qoruyan qvatemalalı kiper gələcək taleyi ilə əlaqəli bunları söyləyib:
"Qarşıdakı oyunlarımıza diqqət edirəm. Gələn təkliflərə agentimlə bir yerdə baxacam. Hazırda bütün fikrim çempionata yönəlib.
Mövsümün sonuna kimi ən yaxşı performansımı göstərmək istəyirəm. İndi növbəti oyuna diqqətimi yönəltmişəm".