AFFA İntizam Komitəsi "Səbail"i 800 manat məbləğində cərimələyib.
Sportinfo.az xəbər verir ki, buna "dənizçilər"in "Zirə" ilə heç-heçə etdikləri ölkə çempionatının XXI tur matçında topdaşıyan şəxslərin yaş həddinin pozulması səbəb olub.
"Qartallar" isə 5 futbolçusu sarı vərəqə ilə cəzalandığı üçün eyni məbləğdə cərimə ödəyəcək.
"Sabah", "Qəbələ" və "Neftçi"yə 4 və daha çox oyunçuları sarı vərəqə aldıqları üçün 800 manat cərimə kəsilib.
"Sabah" - "Qəbələ" oyununda meydan sahiblərinin 4, qonaqların 5, "Neftçi" – “Sumqayıt” qarşılaşmasında isə "ağ-qaralar"ın 8 oyunçusu sarı vərəqə ilə cəzalanıb.