.jpg)
“Eşitdiyimiz xəbər bizim üçün gözlənilməz oldu, bu qərarı vermək məcburiyyətində qaldıq“.
Bu sözləri Sportinfo.az-a açıqlamasında “Səbail“in baş məşqçisi Aftandil Hacıyev deyib.
Bayıl təmsilçisi dünən Peyman Keşavarzla yollarını ayırıb. İranlı yarımmüdafiəçi ilə müqaviləyə vaxtından əvvəl qarşılıqlı razılıq əsasında xitam verilib.
2020-ci ilin yanvarında “Səbail”ə gələn legioner artıq azad agent statusu alıb. Hacıyevin bildirdiyinə görə, onun gedişinə səbəb ailə problemi ilə əlaqədardır:
“Bizə dedi ki, belə bir şəxsi problemi yaranıb, xəstələnən var. Burada qala bilməyəcəyini söylədi və xahiş etdi ki, müqaviləni pozaq.
Mövsümün başa çtmasına hələ 3 ay qalıb və Peymanın gedişini qəti,yyən arzulamazdıq. Hər halda əsas heyət üzvlərindən biri idi.
Düşdüyü vəziyyətə anlayış göstərib, ölkəsinə qayıtmasına icazə verdik“.
