“Qarabağ”la oyun larımız həmişə maraqlı alınır.
Ümid edirəm, bu dəfə də azarkeşlər baxımlı, maraqlı oyunun şahidi olacaqlar“.
Bu sözləri Sportinfo.az-a açıqlamasında “Sabah“ın serbiyalı legioneri Boyan Letiç deyib.
Bu gün Azərbaycan Premyer Liqasında VI tura yekun vurulacaq. Çempionluğa iddialılar “Qarabağ”la “Sabah” Tofiq Bəhramov adına Respublika stadionunda üz-üzə gələcək.
Mövsümə qeyri-stabil nəticələrlə başlayan komandalar liderlər qrupundan çox uzaq düşməmək üçün qələbə qazanmaq niyyətindədirlər. “Qarabağ”ın hesabında 7, “Sabah”da isə 4 xal var.
Müdafiəçi "Qarabağ"la görüş haqda fikirlərini bu cür bölüşüb:
”Biz hər oyuna qələbə üçün çıxırıq. “Qarabağ”la səfər oyunu da bu baxımdan istisna olmayacaq.
Meydandan yaxşı nəticə ilə ayrılmaq üçün əlimizdən gələni edəcəyik. İnanıram ki, azarkeşlərimiz bu matçdan məmnun qalacaqlar".
