“Sabah”ın və Azərbaycan millisinin yarımmüdafiəçisi Aleksey İsayev klub akademiyasının U-13 komandası ilə görüşüb.
Sportinfo.az xəbər verir ki, o, məşqə gələrək, azyaşlılara sürpriz edib.
Futbolçuların suallarını cavablandıran Aleksey daha sonra onlarla birgə məşq eləyib. İsayev onlarla söhbətində futbola gəlişi, futbolçu kimi formalaşmasında rol oynayan əsas amillər barədə danışıb, onlara öz tövsiyələrini verib.
Sonda komandasının üzvləri arasında əyləncəli yarış keçirilib. Qalib olan futbolçuya Aleksey İsayev öz imzalı formasını hədiyyə edib.