.jpg)
AFFA ayırdığı maliyyə yardımının ilk partiyasını «Qəbələ»nin hesabına köçürüb.
Bu barədə Sportinfo.az-a klubun mətbuat xidmətinin rəhbəri Anar Hacıyev məlumat verib.
Onun sözlərinə görə, federasiyanın İcraiyyə Komitəsinin qərarı ilə rəsmiləşən 1,5 milyon manatlıq dəstək paketinin icrasına başlanıb:
«AFFA sentyabrdan etibarən həmin pulu hissə-hissə ödəyir. Artıq avqust üçün nəzərdə tutulan məbləği almışıq. Hər ayın bəlli bir vaxtında ödəmə olacaq. Həmin məbləğ qərarda göstərildiyi kimi, yəni, aidiyyatı üzrə xərclənəcək».
