“Neftçi” Misli Premyer Liqasında növbəti matçını oktyabrın 9-da “Sabah”a qarşı keçirəcək.
“Palms Sports Arena”da baş tutacaq görüş saat 19:30-da start götürəcək.
Yuri Vernidub son çempionla qarşılaşmaya fərqli hazırlıq planı qurub. Baş məşqçi sərəncamındakı futboçluları təlim-məşq toplanışına cəlb edib.
Məşqlər “Palms Sports” Futbol Mərkəzində təşkil olunur.
Ukraynlı çalışdırıcı onları gündə iki dəfə meydana çıxarır. Vernidub səhərlər fiziki, axşamlar isə taktiki-texniki çalışmalara diqqət yetirir.
“Neftçi“ 6 turdan sonra 15 xalla turnir cədvəlinə başçılıq edir. “Ağ-qaralar“ 5 qələbə, 1 məğlubiyyətlə zirvədə yer alıb.
SPORTİNFO.AZ
