"Sabah”ın "Qəbələ”nin futbolçusu Amin Seydiyevin transferi üçün qarşı tərəfə ödədiyi məbləğ məlum olub.
Sportinfo.az xəbər verir ki, 22 yaşlı müdafiəçi Masazır klubuna 100 min manata başa gəlib.
"Qəbələ” Futbol Akademiyasının yetirməsi olan Seydiyev əsas komandada 2017/18 mövsümündə debüt edib. O, "qırmızı-qaralar”ın formasıyla 39 oyun keçirib, 1 qol vurub. Arxa xətt oyunçusu 2019/20 mövsümü yekunlaşandan sonra yeni komandasına qoşulacaq. (fanat.az)