“Qarabağ”ın legioneri Xayme Romero ötən gün “Sabah”la qarşılaşdıqları yoxlama matçında (2:0) zədələnib.
Sportinfo.az xəbər verir ki, 29 yaşlı yarımmüdafiəçi bu səbəbdən oyunu ilk hissənin sonlarında tərk etməli olub.
Klubun mətbuat xidmətindən Qol.az-a verilən məlumata görə, ispaniyalı futbolçunun zədəsi ciddi deyil. Onun Çempionlar Liqasının l təsnifat mərhələsində “Sileks”lə matçda iştirakı üçün problem yoxdur.
18 avqustda Tofiq Bəhramov adına Respublika Stadionunda keçiriləcək “Qarabağ” - “Sileks” görüşü 20:00-da başlayacaq.
