Antalyada təlim-məşq toplanışını davam etdirən "Qarabağ" bu gün ilk yoxlama oyununu keçirib.
Sportinfo.az xəbər verir ki, Ağdam klubu ilk sınağında Rumınyanın yüksək liqasında mübarizə aparan "Akademiya Klinçeni" ilə qarşılaşıb Görüş 2:2 hesabı ilə başa çatıb. Təmsilçimizin qollarını Abdullah Zubir (11-ci dəqiqə) və Cavid Bayramov (90-cı dəqiqə) vurublar. "Akademiya Klinçeni" isə 23 və 87-ci dəqiqələrdə fərqlənib.
Qeyd edək ki, Azərbaycan çempionu toplanış çərçivəsində daha 3 oyun keçirəcək. Komanda yanvarın 22-də Qazaxıstanın "Jetisu", 25-də isə Çexiyanın "Siqma" və Polşanın "Visla Plok" komandaları ilə üz-üzə gələcək.