.jpg)
Mövsümün ilk yarısını “Qarabağ”da başa vuran Asmir Beqoviçin “Milan”a transferi dəqiqləşib.
Sportinfo.az-ın məlumatına görə, müqavilə ilə “Bornmut“a məxsus kiper Ağdam klubunun nümayəndələri ilə əlaqə saxlayaraq, onlara təşəkkür edib.
Balkanlı “əlcək sahibi“ Azərbaycanda keçirdiyi 4 aya görə qətiyyən peşman olmadığını bildirib. Beqoviç etiraf eləyib ki, “Qarabağ“a gəlişi ilə karyerasında irəliyə doğru mühüm addım atıb və Avroliqa oyunları onun üçün dönüş nöqtəsi olub.
O, “Qarabağ“ı heç vaxt unutmayacağını, komandanın nəticələriylə daim maraqlanacağını söyləyib, verilən dəstəyə görə minnətdarlıq edib.
Bosniyalı qapıçı bu gün tibbi baxışdan uğurla keçəcəyi halda, İtaliya nəhəngi onunla 6 ay+1 illik müqavilə imzalayacaq. “Milan”ın hazırkı qapıçısı Pepe Reynanın “Aston Villa”ya üz tutacağı gözlənilir.
.jpg)