Premyer Liqanın 27-ci turundan dərhal sonra Canni de Byazi Azərbaycan millisinin Avstriya və İsveçlə oyunlar üçün heyətini açıqladı.
Yığmaya ilkin olaraq 27 futbolçu dəvət olunub ki, oyunlar zamanı bəzilərinin adı iştirak ərizəsində yer almayacaq.
Son 14 ildə ilk dəfə Azərbaycan seçməsində “Qarabağ”ın futbolçularının sayı digər klublardan çağrılanlardan çox olmayıb.
Buna qədər hər dəfə say liderliyi Ağdam təmsilçisində olurdusa, bu dəfə “Sabah” onlara şərik olub. Hər iki komandadan 7 futbolçuya təklif göndərilib.
Bunda 5 nəfərin kənarda qalması əsas rol oynayıb. Şahruddin Məhəmmədəliyevlə Abbas Hüseynov zədəlidir.
İtalyan çalışdırıcı Maksim Medvedevlə Bədavi Hüseynova şans tanımayıb. Qara Qarayev üçün yığma qapılarının bağlandığı isə çoxdan məlumdur.
HƏBİB / SPORTİNFO.AZ
