.jpg)
Avropa çempionatının seçmə mərhələsi çərçivəsində keçirilən Rumıniya - Kosovo oyunu azarkeşlərin siyasi pankart nümayiş etdirməsi səbəbindən dayandırılıb.
Sportinfo.az xəbər verir ki, bu səbəbdən qarşılaşmada təxminən 50 dəqiqəlik fasilə yaranıb.
Buxarestdə baş tutan görüşün 18-ci dəqiqəsində baş hakim Villi Delayau komandaları meydandan çıxarmağa qərar verib. UEFA dərhal reaksiya verərək oyunun “tamaşaçıların ayrı-seçkilik hərəkətləri” səbəbindən yarımçıq dayandırıldığını qeyd edib.
Konkret desək, tribunalarda “Kosovo Serbiyadır” yazısı olan pankart açılması hadisənin əsas səbəbidir.
Maraqlıdır ki, UEFA 2 gün öncə həmin turnir çərçivəsində keçirilən Ermənistan - Xorvatiya matçında yaşanan məlum "bayraq" qalmaqalına görə heç bir tədbir görməyib.
Nə oyun dayandırılıb, nə də sonra hadisəylə bağlı açıqlama verilib. Bu da qitənin ali futbol qurumunun ikili standartlara yol verməsinin bariz göstəricisidir.
