
"Hatayspor"un azərbaycanlı hücumçu Renat Dadaşova ödədiyi təzminatın məbləği açıqlanıb.
Sportinfo.az "Kicker"ə istinadən xəbər verir ki, Hatay təmsilçisinin Renata ümumi borcu 275 min avro (təqribən 505 min manat) olub.
FİFA Mübahisələrin Həlli Palatasının qərarından sonra bu borc ödənilib.
Klub isə daha əvvəl Dadaşova olan bütün borclarını ödədiyini açıqlamışdı. Lakin FİFA bunu sübut kimi qəbul etməmiş və araşdırma aparmışdı.
FİFA-nın Dadaşova görə "Hatayspor"a tətbiq etdiyi transfer qadağasının ləğv olunub-olunmayacağı hələlik məlum deyil.
Renat Dadaşov 2023-24 mövsümündə “Hatayspor”un formasını geyinib. O, hazırda Polşanın “Radomiak” klubunda çıxış edir.