Böyük Britaniya hakimiyyəti idman klublarına sponsorluq edən bukmeker konturlarına qadağa tətbiq edə bilər.
Sportinfo.az xəbər verir ki, britaniyalı nazir Kris Filp bu məsələni müzakirə etmək üçün idman klublarının, federasiyaların rəhbərləri ilə müzakirə aparmaq niyyətindədir.
Məhdudiyyətlərdən biri o ola bilər ki, klubların formalarında bukmeker kontorlarının loqosunun olmasına icazə verilməsin. Ancaq İngiltərə Premyer Liqası buna qarşı çıxır.
Onlar iddia edirlər ki, pandemiyaya görə klublara xeyli ziyan dəyib. Bu qadağa onların ziyanını daha da artıracaq.
Nazir pandemiyanın vurduğu ziyanı qəbul etdiyini bildirib. Amma onu da vurğulayıb ki, bukmeker kontorlarının klublara sponsorluq etməsinin oyunların nəticələrinə təsirini öyrənməyə ehtiyac var
