"Omoniya"nın futbolçusu Yannis Kusulos "Qarabağ"a qarşı Konfrans Liqasının qrup mərhələsinin V tur oyununu buraxacaq.
Sportinfo.az xəbər verir ki, zədədən əziyyət çəkən 25 yaşlı müdafiəçi bu gün Qətərdə əməliyyat olunacaq.
Onun növbəti ay yaşıl meydanlara qayıdacağı gözlənilir.
Yannis Kusulos "Qarabağ"a 1:4 hesabı ilə uduzduqları II tur qarşılaşmasını da eyni səbəbdən buraxmalı olub. Noyabrın 25-də keçiriləcək "Qarabağ" - "Omoniya" görüşü saat 21:45-də başlayacaq.
IV turda isə Azərbaycan təmsilçisi Qazaxıstanda "Kayrat"ın qonağı olacaq, "Omoniya" İsveçrə "Bazel"ini qəbul edəcək. Hər iki qarşılaşma noyabrın 4-də gerçəkləşəcək.
